НОВИ САД – Здруженє „Дом б-612” з Нового Саду отворело явну поволанку за участвованє на пиятим Вечаре кантавторскей музики, хтори будзе 11. фебруара. Термин за приявйованє кантавторох по 4. фебруар.
Шицки заинтересовани авторе и авторки можу ше приявиц по е-адреси: udrdom@gmail.com, з назначеньом „за кантавторски конкурс”. Попри основних податкох, репертоару и кратшей биоґрафиї, у прияви треба написац и чи автор уж даґдзе наступал и чи ма провадзенє, а можлїве же би то бул єден/на музичар/ка. Треба послац и авдио, лєбо видео-запис авторских композицийох, а квалитет тих знїмкох нє важни.
Пияти Вечар кантавторскей музики будзе отримани у просторийох Здружаня „Дом б-612”, Єврейска 9 у Новим Садзе.