ШИД – Тогорочни дзешати по шоре Фестивал тамбурових оркестрох „Мелодиї Руского двору” будзе отримани 2. септембра у Лєтнєй владическей резиденциї у Шидзе.
Окрем тамбурових оркестрох, чийо приявйованє ище вше тирва, буду отримани и други провадзаци програми. Напруженя орґанизаторох ше одноша насампредз на промоцию „Рутенияду”, хтору уж дзешец роки орґанизує Координация рускей националней меншини Републики Горватскей, на 15 годзин, кед будзе красна хвиля.
У порти Лєтнєй владическей резиденциї од 17 годзин буду поставени и етно-штанди, а вистава малюнкох зоз „Колониї Руски двор 2017” будзе отворена на 16 годзин. Музична часц програми почнє на 18 годзин.
Орґанизатор, КПД „Дюра Киш”, надпомина же у случаю подлей хвилї (окрем „Рутенияди”), етно-штанди и вечарша музична програма буду отримани у просторийох Словацкого дому у Шидзе.