РУСКИ КЕРЕСТУР – На Стретнуцу УНЕСКО-клубох штреднїх школох Сербиї (УКС), хторе од 24. по 26. марец отримане у рускокерестурскей Школи „Петро Кузмяк”, визначене же комуникация найважнєйши фактор за мирне ришованє проблемох, а важна є и за сотрудзованє, так же и єден з цильох стретнуц було упознаванє присутних школох, черанє искуствох и прикладох добрей пракси.
Предсидательки Федерациї УКС мр Милица Дромнякович присутних поблїжей упознала з улогу УНЕСКО-клубох у швеце и нашей жеми, а потим свойо активносци представели и госцуюци школи з Бачкей Паланки, Врнячкей Банї и Беоґраду..
Окреме представена и домашня Школа, а попри тим, през шпиванку, музику, рецитацию и облєчиво, школяре представели и нашу руску националну заєднїцу, а Здруженє женох „Байка” нашо национални єдла, други свойо виробки и сувенири.
Як догварене, УНЕСКО-клуби школох предлужа сотруднїцтво, а цеснєйше Погосцительна школа з Врнячкей Банї и Туристични напрям Штреднєй школи „Петро Кузмяк”.