КОЦУР – Вчера вечар, у коцурским Доме култури, отримани традицийни Крачунски концерт, котри орґанизовало КУД „Жатва“.
На концерту, окрем членох домашнього КУД „Жатва“, участвовали и КУД „Завичайне врело“, Шпивацка ґрупа коцурскей євангелскей церкви, дзеци котри виучую мадярски язик, виронаучни дзеци коцурскей грекокатолїцкей церкви, Мишани хор Катедралней церкви св. o. Миколая и Дому култури з Руского Керестура, як и соло шпиваче КУД „Жатва“.
Попри колядох и крачунских винчованкох, на Концерту виведзени и вецей танци и драмски слички пошвецени Христовому народзеню, а вельочислена публика кажду точку наградзела зоз моцним аплаузом.
