У Дюрдьове були и кресцини

автор сас
936 Опатрене

ДЮРДЬОВ – Вирни дюрдьовскей грекокатолїцкей парохиї Рождества Пресвятей Богородици внєдзелю, 8. априла, преславели Вельку ноцу, а вчера на Други дзень того найвекшого християнского швета по Служби Божей було и мированє.

Внєдзелю на 10 годзин Службу Божу предводзел о. Борис Холошняй, а сослужел о. Михаил Холошняй. Апостол пречитал Андрей Барна котри шпивал у Служби вєдно зоз Хором „Розанов”, а у Служби покресени пецеро дзеци.

О. Борис Холошняй у казанї вирним повинчовал Швето и визначел же воскресенє Исуса Христа швето полноти живота, бо вон нє воскренул назад до нашого нєсовершеного жемского живота алє започал нови живот котри превозиходзи наш и прето го ми нє можеме похопиц.

Кошарки з пасхалним єдзеньом после Служби пошвецени у порти дюрдьовскей церкви. 

DSCN8368

Дзень пред тим, на Вельку соботу, од 8 до 10 годзин була велька споведз, такой потим, на 10 годзин, Служба Божа св. Василия Велького, а на 22 годзин Воскресна Утриня зоз святочним обходом коло церкви. На Вельки пияток, на 9 годзин, були Царски часи, а на 15 годзин Вечурня Исусового хованя.

Нєшка, на Треци дзень Велькей ноци, Служба будзе на 10 годзин, а на 18 годзин Вечурня.

DSCN8127

ПОВЯЗАНИ ТЕКСТИ