НОВИ САД – Пияток, 21. децембра, у Заводзе за културу войводянских Руснацох премиєрно емитована перша видео приповедка „Тидвик, добродушни єлень” Др Суса.
Текст видео приповедки робени по кнїжки истей назви хтору видала НВУ „Руске слово” 1953. року, а на ньго додати видео компоненти. Видео приповедка „Тидвик, добродушни єлень” перша од штирох приповедкох хтори буду реализовани у рамикох проєкта „Учме вєдно руски язик: Читай ми” авторкох Александри Живкович и Санї Дивлякович.
Видео приповедка будзе положена на ютюб канал Заводу за културу войводянских Руснацох же би була доступна ширшей явносци и уступена шицким цо робя зоз дзецми по руски.
После проєкциї отримана крачунско-новорочна роботня за дзеци, на хторей дзеци з помоцу родичох, правели винчованки и прикраски за ядловец.
Ношитель того проєкта Новинарска асоцияция Руснацох, финансийну потримовку дал Завод за културу войводянских Руснацох, а потримовку дала и НВУ „Руске слово”.
