У Керестуре почина Стретнуце школох УНЕСКО-клубох Сербиї

автор маф
835 Опатрене

РУСКИ КЕРЕСТУР – Штредня школа „Петро Кузмяк” од нєшка, та по нєдзелю, 26. марца, будзе домашня Стретнуцу штреднїх школох УНЕСКО-клубох Сербиї, а на Стретнуце поволани представителє 15 школох.

Стретнуце нєшка будзе отворене 18 годзин, а учашнїкох привитаю директорка домашнєй Школи Хелена Пашо Павлович, предсидателька Федерациї УНЕСКО-  клубох Сербиї Милица Дромнякович и орґанизаторка стретнуца Любица Няради.

На ютре, 25. марца, на Стретнуцу буду представени Федерация УНЕСКО-клубох, руска национална заєднїца и керестурска Школа, госцуюци школи и приклади добрей пракси у роботи УНЕСКО-клубох зоз штреднїх школох.

Учашнїки Стретнуца нащивя и Замок и музейну збирку, за нїх будзе орґанизована вистава сувенирох и других роботох керестурского Здруженя женох „Байка”, буду им предложени традицийни руски єдла, орґанизовани поетски вечар, а Стретнуца буду закончени з евалуацию и предкладанями за дальши активносци.

ПОВЯЗАНИ ТЕКСТИ