КОЦУР – Вчера, 9. децембра, коцурски Шаховски клуб (ШК) „Омладинєц” на Пелетовим салашу орґанизовал 23. Мемориялни турнир пошвецени покойним предсидательом и бавячом ШК „Омладинєц”.
На турниру участвовали 27-еро шахисти зоз цалей вербаскей општини, як и шахисти зоз Руского Керестура, Србобрану и Кули.
Бавело ше 15 минути по бавячу, 7 кола по швайцарскей системи.
Перше место освоєл Боян Петрович зоз Вербасу, а друге и треце место освоєли Милан Златич и Любомир Турович тиж зоз Вербасу, з тим же Турович член ШК „Омладинєц” зоз Коцура.
Окрем перших трох местох котри за освоєне место достали погари, шаховски кнїжки як награди достали и штвартопласовани Саво Манойлович зоз Србобрану, пиятопласовани Ґоран Попович зоз Бачкого Доброго Поля, шестопласовани Ґавра Коларич зоз Вербасу и седмопласовани Владимир Лазор зоз Кули.
Окремни подзекованя достали и Миряна Шолая зоз Коцура, як єдина панї на турниру и Стефан Кврґич зоз Змаєва, котри як 1 дванацрочни шахиста бул наймладши учашнїк.
