НОВИ САД – У просторийох Руского културного центру (РКЦ) у Новим Садзе, всоботу 11. фебруара, отримани Бал РКЦ.
На Балє було коло 100 госцох – з Нового Саду, Дюрдьова, Коцура и других местох, а медзи нїма и красне число младих, та ше танцовало, шпивало и вешелєло до рана.
Орґанизована и томбола, а главна награда „Дормео” паплан и два заглавчки пошла до Дюрдьова. Окрем главней награди, дарунки за томболу обезпечели спонзоре.
За приємни и весели вечар остарал ше Оркестер Владимира Сивча, у хторим Владимир Сивч, Давор Сабо и Звонимир Кочиш Цоле.