У Стразбуру представени потенцияли Войводини

автор мар
892 Опатрене

НОВИ САД – Покраїнски секретар за реґионални розвой, медзиреґионалне сотруднїцтво и локалну самоуправу Оґнєн Бєлич стреду, 18. октобра, присуствовал на схадзки Конґресу локалних и реґионалних власцох Совиту Европи (КЛРВЕ) у Стразбуру, дзе представени потенцияли Войводини.

У Конґрес локалних и реґионалних власцох Совиту Европи представителє з вецей як 200 000 єдинкох локалних самоуправох и реґионалних власцох зоз 47 державох членїцох.

– То винїмкова нагода за промованє наших розвойних потенциялох и демократских принципох управяня у локалних заєднїцох пред европску явносцу, тиж и можлївосц за черанску искуствох и прикладох добрей пракси у розвою локалней демократиї – гварел Бєлич.

5-APV-02

Покраїнски секретар у Стразбуру наглашел же Войводина, як мултиетнїчни штредок, єден з добрих прикладох по питаню моцнєня демократских процесох на уровню власци хтора блїзка гражданом. Як гварел, то потвердзує и факт же у покраїни єст скоро 70 медиї хтори обявюю, лєбо емитую змисти и програму на меншинских язикох, та же културну розличносц окреме збогацую пейц културни институциї националних меншинох.

Ресорни секретар Бєлич додал же делеґация Покраїнскей влади мала и схадзку з предсидательку КРЛВЕ Ґудрин Мослер-Транстром, на хторей бешедоване о вецей темох, а представени и активносци и потенцияли Розвойней аґенциї Войводини.

КЛРВЕ єдно з основних целох Совиту Европи хторе промовує локалну и реґионалну демократию, унапредзує локалну и реґионалну управу и змоцнює локални самоуправи.

На представяню Покраїни Войводини приказани и кратки промотивни филм о Войводини, на чим присуствовали и ґенерални секретар Конґресу Андреас Кифер и предсидателька Ради реґийох Конґресу Ґун Марит Хелґесен.

ПОВЯЗАНИ ТЕКСТИ