РУСКИ КЕРЕСТУР – Основна школа „Петро Кузмяк” вчера шветочно прияла 21-го будуцого першокласнїка хтори закончую Предшколску пририхтуюцу програму у керестурскей Дзецинскей заградки „Цицибан” ПУ „Бамби” з Кули.
На приєм пришли и младши дзеци та их було 26-еро, а приведла их вихователька Емилия Костич. Будуцих школярох привитали директорка Школи Хелена Пашо Павлович, и упознала их з їх учительку Наду Колошняї хтора тераз випровадза штварту класу.
Праве тоти школяре будуцим першокласнїком виведли кратшу програму, з даскельо шпиванками представели ше и будуци школярики, а на концу Школа за шицких пририхтала почасценє.