КОЦУР – Народна библиотека „Данило Киш” и Етно клуб „Одняте од забуца” у коцурским оддзелєню НБ „Данило Киш” вчера, 21. децембра, орґанизовали Литературни вечар на котрим отримана промоция двочасцового романа „Рубец Балкану” и „Рани Балкану” писательки Биляни В. Попович.
Нащивителє Литературного вечара могли уживац у приємней атмосфери и виривкох зоз романа, а окрем авторки Биляни, о єй творчосци, биоґрафиї и роботи бешедовалa библиотекарка у коцурским оддзелєню НБ “Данило Киш» Весна Радошевич Пешут.
На концу програми предсидатель Коцурского здруженя младих „КУМ” Стеван Самочета писательки Биляни В. Попович подаровал кошарочку з квецом, а присутни могли по промотивних ценох купиц даєдну з кнїжкох тей писательки.
