НОВИ САД – У ютрейшим ТВ Маґазину будзе емитовани прилог о можлївосцох вивоженя войводянских винох до Европскей униї, о скайп-годзини хтору керестурски ґимназиялци отримали з парняками з Велсу, та о вше популарнєйшим одходу на роботу до Словацкей.
ТВ Магазин приноши и звит з початку 49. Драмского мемориялу Петра Ризнича Дядї, як и з традицийней Културней манифестациї Дружтва Руснацох у Суботици „Яр др Мафтея Виная”.
Реприза ТВ Маґазину будзе такой на пондзелок вноци на 2 г. и на штварток на 21,30 г. (после емисиї „Добри вечар, Войводино”).