СИВЕЦ – Шахисти „Русина” у другим колє шаховскей лиґи Мол – Зомбор внєдзелю, 20. мая, госцовали у Сивцу и од домашнєй екипи страцели з резултатом 3,5 наспрам 2,5.
„Русин” наступел у составе Мирко Афич, Дзвоно Медєши, Рафаил Венчельовски, Михайло Венчельовски, Владимир Планкош и Михайло Джуджар. Побиди зазначели Афич и З. Медєши, а Венчельовски освоєл пол поена.
У першим колє, 13. мая, „Русин” требал бавиц у Керестуре процив екипи „Станишича”, медзитим госци виступели зоз лиґи хтора тераз ма пейц екипи, та змаганє нє отримане.
На нєдзелю, 27. мая, на 10 годзин у просторийох „Русина” у Старей школи домашнї дочекую екипу шахистох зоз Липару.