НОВИ САД – З нагоди 150-рочнїци од виданя першей Библиї на сербским язику, Анґликанска ортодоксна церква у Сербиї у сотруднїцтве зоз Реформатску християнску церкву (РХЦ) и Церковну општину Нови Сад, орґанизую Литературни вечар „Библия наша насущна”.
На тим сходу, котре почнє на 16 годзин у РХЦ, буду бешедовац священїки и теолоґове, представнїки даскелїх вирских заєднїцох у Новим Садзе, медзи котрима и парох новосадски о. Юлиян Рац, а будзе промовована и Библия у сучасним сербским прекладзе. После урядовей часци будзе отворена вистава Библийох.
Програму збогаца музични нумери котри виведзе Хор „Гармония” под дириґентством Сузани Ґрос Маркович и Хлопски и Дзецински состав Християнскей адвентистичней церкви.
Того дня, од 12 годзин, на углє Пап Павла и Шафариковей 5, будзе вистава ручних роботох и духовней християнскей литератури, а свойо роботи и традицийне єдзенє представи и Здруженє женох „Байка”.
Уход безплатни.