НОВИ САД – На ютре, 5. мая, у Синаґоґи у Новим Садзе Хор „Гармония”, под дириґентску палїчку Весни Кесич Крсманович, отрима концерт з нагоди 10-рочнїци постояня Хору.
На репертоаре буду духовни и народни композициї, як и єден блок ткв. „музики швета”, у хторим з Хором будзе дириґовац його перша дириґентка Сузана Ґрос Маркович.
Госци на концерту буду и Хор „Розанов”, вокални ансамбл „Класика Нова”, „Фант’є – хлопска ґрупа”, а у солистичней часци наступя Гелена Папуґа, Ана Римар и Свитлана Декар.
Концерт почина на 19 годзин, а уход безплатни.