КОЦУР – Стреду, 18. новембра, у валалскей библиотеки орґанизована шветочносц з хтору членїци Активу женох Културно-уметнїцкого дружтва (КУД) „Жатва” з Коцура означели 25-рочнїцу дїлованя у рамикох того дружтва. З тей нагоди пришли шицки членїци Активу, а подзелєни и подзекованя за найдлугшу активносц, як и за сотруднїцтво з Активом.
Подзекованя за найдлугши стаж у Активу женох достали Милева Краинович, Серафина Зубич и Коцана Колєсар Вукобратович, а подзекованя им уручел перши предсидатель КУД „Жатва” Микола Ґубаш.
За успишне сотруднїцтво з Активом подзекованя достали коцурска Основна школа „Братство єдинство”, коцурске Добродзечне огньогасне дружтво, Месна заєднїца Коцур, Библиотека „Данило Киш”, матичне КУД „Жатва”, Микола Ґубаш, Наташа Йованович, Михайло и Мелания Варґово, Мария Зупко и Серафина Самочета, а подзекованя им уручела предсидателька Активу Коцана Колєсар Вукобратович.
Попри членох Активу и госцох з валалу, госци на шветочносци були и представительки Активу женох з Воґню, хторе побратимене з коцурским Активом. Актив женох з Воґню тиж достал подзекованє за успишне сотруднїцтво з Активом женох КУД „Жатва”.
