НОВИ САД – На стреду отвореней ґрупи саймох „ЛОРИСТ” на Новосадским сайме, свойо продукти на Сайме туризму нєшка будзе викладац и Здруженє женох „Байка” з Руского Керестура, а як представителє Туристичней орґанизациї Општини Кула.
Як за Рутенпрес гварела Наталия Емейди, „Байка” будзе на штанду Туристичней орґанизациї Войводини, а з рижнима сувенирами, єдзеньом, домашнїма продуктами и брошурами представи понукнуце и потенцияли Руского Керестура и кулскей општини.