РУСКИ КЕРЕСТУР – Уж традицийно, Вифлеємски огень будзе принєшени и до катедралней церкви св. Миколая у Руским Керестуре на нєдзелю вечар, а вирни го годни превжац од пондзелку у вечаршей Служби Божей.
Вифлеємски огень хтори символ любови, мира и злагоди и хтори орґанизация Пластунох з України розноши по велїх жемох, и на тот завод до нашого краю принєшу пластуни зоз Ужгороду.
На пондзелок будзе виложени у каплїци у старим манастире на Капущаним шоре, а други днї у Катедралней церкви аж по саме швето Крачун. Вифлеємски огень будзе однєшени и до НВУ „Руске слово”, як и до манастирох шестрох Служебнїцох у Керестуре и Коцуре.