ШИД – Вакцинованє гражданох у Шидзе вецей ше нє окончує у будинку Дома здравя, алє у новим просторе, обок Дома здравя, у хторим чекальня и простор за вакцинованє.
Нови вакцинални пункт вчера нащивел предсидатель Општини Зоран Семенович и прешвечел ше як ше вакцинованє одвива у тим просторе хтори на хаснованє уступела гражданка Радмила Тарлач.
Директор Дома здравя др Крсто Куреш и др Бранка Ґачич гварели же простор за вакцинованє одвоєни же би ше пациєнти нє мишали, а ковид амбуланта остала у Доме здравя и роби од 7 по 22 годзин.
Вони додали же ше тестиранє нє-ковид пациєнтох окончує у Служби общей пракси од 8 по 14 годзин, а од 13 по 14 годзин ше окончує знїманє плюцох.