Велька ноц преславена и у Ґосподїнцох

автор сас
609 Опатрене

ҐОСПОДЇНЦИ – Ґосподїнчанє, вирни грекокатолїцкей церкви Святого архангела Михаїла, найрадоснєйше християнске швето, Вельку ноц, тиж означую по юлиянским календаре.

На Перши дзень Велькей ноци, внєдзелю 28. априла, велька Служба Божа була на 12 годзин. Службу служел домашнї о. Михаил Холошняй, а шпивал и гуторел казань о. Борис Холошняй.

– Славиме швето над шветами. Воскресенє Христово нам дава надїю за тот живот, смисел, алє и надїю за будучносц. Исус Христос пред одход на церпенє гварел же тоти цо маю довирия до ньго були з нїм. Побида живота над шмерцу нє лєм у смислу же маме загробни живот, алє нам живот дава смисел, бо Исус Христос указал безконєчну любов Бога ґу людзом, гварел у казанї о. Борис Холошняй.

Вчера, як и нєшка на Треци дзень Велькей ноци, Служба будзе на 12 годзин.

У страсним тижню у церкви у Ґосподїнцох була споведз, а висповедани и стари и нєрухоми особи котри нє могли сами присц до церкви.  

ПОВЯЗАНИ ТЕКСТИ