Вербащанє найлєпши и у ґуґланю и у штреляцтве

автор злк
906 Опатрене

ВЕРБАС – Всоботу, 12. новембра, у Центре за физичну културу „Драґо Йовович” у Вербаше отримани турнири у ґуґланю и штреляцтве у рамикох Спортских бавискох „Яша Баков”, на хторих участвовали аж 8, односно 9 екипи з наших местох, з по трома членми.

У ґуґланю участвовали екипи ФК „Искра” з Коцура, СД „Русин” з Руского Керестура, „Папивинґ” з Вербасу, Руского културного центру Нови Сад, Дружтва Руснацох зоз  Суботици, КУД „Тарас Шевченко” з Дюрдьова, Петровци з Републики Горватскей и домашня екипа КПД „Карпати”.

У екипней конкуренциї у ґуґланю перше место освоєла екипа КПД „Карпати” з Вербасу, друге КУД „Тарас Шевченко” з Дюрдьова, а треце екипа Дружтва Руснацох зоз Суботици.

У поєдинєчней конкуренциї у ґуґланю перше мество освоєл Владимир Загорянски з Вербасу, друге Мирослав Чакан з Дюрдьова, а треце место Даниєл Новак з Вербасу.

9-SB-02

У змаганю у штрелятцтве участвовали екипи Дружтва Руснацох зоз Суботици, СД „Русин” з Керестура, „Папивинґ” и КПД „Карпати” з Вербасу, ФК „Искра” з Коцура, КУД „Тарас Шевченко” з Дюрдьова мал два екипи (першу и другу), Петровци з Горватскей и екипа Руского културного центру з Нового Саду.

9-SB-03

У штреляцтве тиж бул исти розпорядок побиднїцких екипох – Вербащанє освоєли перше, Дюрдьовчанє (перша екипа) друге, а Суботичанє треце место.

У поєдинєчней конкуренциї найлєпши бул Иґор Бесерминї, друге место освоєл Владимир Хромиш, а треце Золика Балинт, шицки з КПД Карпати з Вербасу.

9-SB-04

ПОВЯЗАНИ ТЕКСТИ