СЕРБИЯ – Министер просвити Срдян Вербич гварел же два з трох тестох хтори маломатуранти покладали були барз лєгки и же треба пооштриц условия за упис до штреднїх школох.
– Идуцого року уведземе „праг знаня“. Нє може ше до шицких школох уписовац тот хто ма нула боди. Постоя школи чий квалитет треба охранїц, а то зробиме так же положиме „палїцу” попод хтору ше нє годно прецагнуц – гварел Вербич.
Кед слово о популаризованю ремеслох, та дуалного моделу образованя, хторе подрозумює єднаке применьованє теориї и пракси у образованю, Вербич гварел же то добра идея хтору Министерство жада реализовац, алє слабе одволанє компанийох у хторих би школяре мали праксу.