ВЕРБАС – На схадзки отриманей 6. марца, Општинска виберанкова комисия Вербас преглашела першу виберанкову лїстину за локални виберанки за одборнїкох Скупштини општини Вербас.
Перша преглашена то виберанкова лїстина „Александар Вучич – За нашо дзеци” котру поднєсла „Коалиция: Александар Вучич – За нашо дзеци”.
Сербска напредна странка и єй коалицийни партнере – Партия зєдинєних пензионерох Сербиї, Социялдемократска партия Сербиї, Союз войводянских Мадярох и Рух социялистох перши, дзень по розписованю локалних виберанкох, придали лїстину зоз 36 кандидатами.
Виберанкову лїстину предводзи Милан Ґлушац, дотерашнї предсидатель Општини Вербас, а терашнї предсидатель Дочасового орґану Општини.
Як обявел портал општини Вербас, лїстина придата зоз 1 083 подписами потримовки спомнутей виберанковей лїстини.