ВЕРБАС – Союз спортох Општини Вербас вибрал найлєпших спортистох и спортски колективи за 2015. рок, а плакети и дипломи за витворени резултати им придал предсидатель Општини др Братислав Кажич. Одлуки Союзу обгрунтовал член Општинскей ради задлужени за спорт и младеж Йован Ковачевич.
За найлєпшого спортисту знова преглашени кик-боксер Любо Яловий, котри седми раз достал тото припознанє од Општини Вербас. За найлєпши спортски колектив преглашени Женски кошаркашски клуб „Вербас Медела”, за найлєпшого младого спортисту боксер Дамян Ґрмуша, а за найлєпшу младу спортистку боксерка Єлена Зекич.
За найлєпши клуб у индивидуалним спорту преглашени Клуб борительних спортох „Вербас”, а за найлєпшого тренера у 2015. року Душан Килибарда, тренер кик-боксерох.
