БЕОҐРАД – На схадзки представительох Министерства просвити, науки и технолоґийного розвою и Студентскей конференциї универзитетох Сербиї (СКОНУС), студентом ше удало прешвечиц Министерство же би сполнєло їх вимоги хтори винєшени у рамикох кампанї „Подпиш за 10“.
Студенти вимагали же би гранїца за финансованє з державного буджету остала на 48 ЕСПБ бодох, як и же би високошколски установи сами одредзовали число испитних терминох. Проблем з испитнима терминами предходни роки бул горуца тема, понеже Министерство жадало зменшац їх число, цо студентом нє одвитовало.
Министерство просвити формовало Роботну ґрупу за виробок Нарису закона о студентским орґанизованю, а предвидзене и сотруднїцтво Министерства и студентох на виробку Закона о националним рамику квалификацийох.