ДЮРДЬОВ – По евиденциї народзених, у Дюрдьове єст 64-еро дзеци за першу класу основней школи, а дотераз до школи уписани 58-еро дзеци.
Родичи будуцих першокласнїкох пополнєти анкетни лїстки о виборних предметох, як и о тим чи жадаю же би їх дзецко слухало мацерински язик, придаваю при упису.
По словох педаґоґинї у Школи Вукици Петрович, у Дюрдьове анї того року нє будзе руске оддзелєнє, бо ше за ньго дотераз опредзелєло лєм єдно дзецко.
Упис першокласнїкох у дюрдьовскей ОШ почал 1. априла и тирва по початок школского року.