НОВИ САД – У Музею Городу Нови Сад по 25. юний отворена вистава малюнкох Ендия Воргола, снователя и найзначнєйшого представнїка америцкей поп-арт култури.
Заинтересовани буду мац нагоду поопатрац 48 ориґинални дїла познатого уметнїка, котри поробени у рижних ґрафичних технїкох и у акварелу. Дзепоєдни з нїх то позната сериґрафия Мерилин Монро, Мао, як и малюнок „Швидки корчоляч” хтори бул символ змаганя у швидким корчоляню на Жимских олимпийских бавискох у Сараєве 1984. року.
Тоту виставу Музей Городу Нови Сад реализує у сотруднїцтве зоз Visconti Fine Art зоз Любляни и Штреднєевропским културним центром з Нового Саду.