РУСКИ КЕРЕСТУР – У рускокерестурскей парохиї св. оца Миколая вишло 10. тогорочне число Християнского часопису „Дзвони”.
Рубрика „Духовне заренко” обрабя питанє спознаня Бога, „Слово живота” понука виреченє св. Павла „Можем шицко у тим хто ме моцнї” зоз шведоченями зоз живота, а интересантни и роздумованя о наших вирских опредзельованьох, у рубрики „Стереотипи”.
У „Дзвонох” и тексти о пошвецаню обновених просторийох у Лєтнєй владическей резиденциї у Шидзе, початку означованя 125-рочнїци заєднїци шестрох Служебнїцох, о Кирбаю и означованю 180-рочнїци парохиї у Петровцох, як и о 190-рочнїци народзеня о. Андрея Лабоша, та о актуалносцох у Вселенскей Церкви.
Часопис предлужує фельтон з нагоди рочнїцох Каритасу у нашим Еґзархату, та 130-рочнїци парохиї у Сримскей Митровици. У додатку „Богословска думка” предлуженє преглїбйованя Святого рока, ту и Молитва у нєвольох, а у „Дзвонох” и числени други тексти и медитациї за духовне преглїбйованє за шицки возрости вирнїкох.