Вчера вишол майски МАК

автор маз
1.4k Опатрене

НОВИ САД – У пиятим, майским чишлє МАК-у, хтори вишол вчера, „У фокусу” Роберт Джуджар з Руского Керестура, котри на мастер студийох у Австриї и Италиї, як и модна дизайнерка Андреа Бокан з Коцура.

МАК представя и емисию за младих Радио-телевизиї Войводини „Водич за преживљавање”, у хторей участвує и Аня Гудак з Нового Саду, док у  „МАК-овим колажу” информациï о тогорочним Медзинародним волонтерским кампу и конкурсу за його нового лидера.

Рубрика „Дакеди и нєшка” пише о празновирю и о тим кельо млади веря же даяки ритуали можу дїйствовац на подїї у будучносци, а у рубрики „Спорт и рекреация” понука текст о шаху.

Медзи другима, ту и рубрика „Куцик совитох”, хтора матурантох и абсолвентох совитує о фризурох, а понука и идеї за украшованє нохцох, док у рубрики „Направ сам” мож научиц як виробиц брош.

ПОВЯЗАНИ ТЕКСТИ