Вчера Новосадянє з РКЦ на Мемориялє

автор сен
931 Опатрене

РУСКИ КЕРЕСТУР – На Драмским мемориялє Петра Ричнича Дядї вчера участвовала представа покус провокативного наслову „Круцина (або курва)“, хтору виведли ґлумци зоз Руского културного центру Нови Сад, а за публику було ошвиженє же була виведзена камерно.

Приповадка провадзи двох братох котри жию спод схили, дзе на огромней круцини страдаю людзе. Вони двоме вицагую людзох з автох, ховаю их на приватним теметове и оправяю авта хтори оставаю. Кед им до нащиви приходзи Началнїк министерства будовательства, хтори и сам дожиє нєщесце и прежиє, приходзи до зраженя медзи интересом и моралом, алє и на страх од пременкох, цо на концу резултує зоз злодїйством.

Представу по тексту Танкреда Дорста режирал и Адаптовал Звонимир Павлович, а одлично ґлумели Славко Бучко, Иґор Горняк и Борис Фейди. По одлуки жирия публики Мемориялу, шицки троме ґлумци достали награду за найлєпше одбавену улогу.

ПОВЯЗАНИ ТЕКСТИ