КОЦУР – Парохиянє римокатолїцкей церкви Шицких святих у Коцуре вчера, на швето Шицких святих, преславели Кирбай. З тей нагоди у церкви було вецей парохиянох як звичайно, а пред церкву могло купиц цукри и лакотки.
Кирбайску Службу Божу служел о. Кароль Сабади и парох коцурскей грекокатолїцкей церкви о. Владислав Рац. Служба служена на мадярским и горватским язику.
На чесц шицким своїм покойним, парохиянє вчера на гробох палєли швички, а понеже тот звичай уж єден час превжали и вирни грекокатолїки, попри на мадярским, швички палєни и на гробох покойних на руским теметове.
Нєшка у каплїчки на мадярским теметове будзе служена Служба Божа за шицких покойних, а потим священїк будзе пошвецац гроби.
