РУСКИ КЕРЕСТУР – После участвованя на 56. Општинскей смотри дзецинскей музично и фолклорней творчосци у Липару 23. априла, два танєчни ґрупи Дому култури Руски Керестур пласовали ше на висше змаганє – на Зонску смотру.
На Зонску смотру ше пласовали танци Венчик гопакох, дзецинскей танєчней ґрупи школярох трецих и штвартих класох ОШ и танєц „Подскакуєм, подубкуєм”, танєчней ґрупи школярох шестих и седмих класох ОШ.
Уметнїцки руководитель Венчику гопакох Сашо Палєнкаш, а танцу „Подскакуєм, подубкуєм” Ґабриєла Саянкович и Сашо Палєнкаш.
На Општинскей смотри Керестурци участвовали и з трецим танцом – „До млїну”, уметнїцкей руководительки Ґабриєла Саянкович.
Зонска смотра дзецинскей музично-фолклорней творчосци будзе 14. мая у Кули.