Делеґация Покраїнскей влади нащивела Вербас

автор ол. русковски, фото врбас.нет
720 Опатрене

ВЕРБАС – Делеґация Покраїнскей влади, котру предводзел подпредсидатель Дьордє Миличевич, штварток, 5. децембра, нащивела општину Вербас. Вон ше стретнул зоз предсидательом Општини Вербас Миланом Ґлушцом, а потим обишол роботи у Блоку 100, як и роботи у Блоку 44, хтори финансує Покраїнска влада зоз 56 милиони динарами.

З тей нагоди, општину Вербас нащивели и покраїнски секретар за реґионални розвой, медзиреґионалне сотруднїцтво и локалну самоуправу Оґнєн Бєлич, директор Управи за капитални укладаня АП Войводини Неделько Ковачевич и директор Розвойней аґенциї Войводини Никола Жежель.

– На схадзки зоз чолнима людзми Општини Вербас анализовали зме потерашнє сотруднїцтво. За предходни три и пол рока, кельо роби тота Покраїнска влада, утвердзели зме же блїзко милиядру динари видвоєне з покраїнского буджету за општину Вербас, як през директни инвестициї, так и през субвенциї за привреду и польопривреду. Предлужиме робиц на исти способ и на нових розвойних проєктох – визначел подпредсидатель ПВ Миличевич.

На схадзки були и заменїца предсидателя Општини Вербас Миляна Штулич, совитнїк предсидателя Општини Предраґ Роєвич, посланїца у Скупштини АП Войводини Саня Жиґич, як и члени Општинскей ради.

ПОВЯЗАНИ ТЕКСТИ