НОВИ САД – З нагоди уж традицийней програми Дзе(нь) младосц(и)”, у Руским културним центре (РКЦ) у Новим Садзе на пияток, 27. мая, будзе програма инспирована зоз записами Володимира М. Гнатюка обявенима у кнїжки „Еротика Рутеника”, хтору 1995. року видала Секция за скарб Дружтва за руски язик и литературу.
Як наявене, „Еротични вечар” розбиє и одредзени табуи и упозна з тим боком живота наших предкох, а у просторийох РКЦ на пияток почнє на 20,30 годзин.
Пририхтана и интересантна вистава фотоґрафийох авторки Андреи Новак, инспированих з руску (еротичну) традицию, а о спомнутих темох буду бешедовац Мирон Джуня и Александра Лендєр.
На програми „Дзе(нь) младосц(и)” будзе виведзени и кабаре по руски, у хторим пригодни народни шпиванки буду шпивац нашо уж афирмовани шпивачки Саня (Полдруги) Дивлякович, Александра Колбас и Танита Ходак.