БАЧИНЦИ – На швето св. священомученїка Георгия у бачинскей парохиї Службу Божу служел парох о. Дарко Рац, а по Служби традицийно пошвецене младе жито, благословени поля и модлєне за добри урожай жемских плодох.
Потим одслужени и Молебен до Пресвятей Богородици, хтори ше у маю служи штири раз до тижня.
На концу парохиянє одшпивали многолїтствиє нашому владикови и предсидательови Церковного одбору, котри на Дзуря преславели имени дзень, а предсидатель Церковного одбору после Богослуженьох у церковней сали почасцел шицких парохиянох.