ВАЛЄВО – Министер просвити, науки и технолоґийного розвою Младен Шарчевич прешлого тижня нащивел Виглєдовацку станїцу „Петница“ коло Валєва и з тей нагоди поручел же вона бренд Сербиї и институция хтора при младих пестує виглєдовацки дух, та обецал стабилне финансованє и потримовку.
Директор „Петници“ Виґор Маїч з тей нагоди гварел же за порядну роботу Станїци потребни стаємни жридла финансованя, додатни пенєж за набавку опреми до кабинетох хемиї и биолоґиї, як и за добудовйованє инфраструктури.
– З подписованьом поглавйох 25 и 26, їх отвераньом и релативно швидким завераньом, годни зме достац значни средства. На „Петницу“ будземе патриц як на установу з окремним приоритетом, а намира нам таки установи направиц и у других часцох Сербиї – гварел министер Шарчевич.