Дружтво Руснацох достало просториї, алє модлї за помоц за їх оправянє

автор гар/зам
1.4k Опатрене

СУБОТИЦА – Дружтво Руснацох у Суботици тих дньох од Городу Суботица достало други просториї на хаснованє, у улїци Милоша Обилича ч. 6 и вчера у нїх отримана и схадзка Управного одбору Дружтва.

Як констатоване на схадзки, на хторей присуствовали и предсидатель Вивершного одбору Националного совиту Руснацох Желько Ковач и секретар Совиту Таня Арва Планчак, просториї на добрим месце у Суботици, алє су барз девастовани, бо предходни закупец того простору поодношел шицко цо могло, аж и електрични утикачи, гарла за грушочки, часци санитарного ґузлу и друге.

Прето потребне значне адаптованє простору, за цо Дружтво Руснацох у Суботици тераз нє ма средства, так же на Управним одборе порадзене же би ше явно поволало шицких поєдинцох добрей дзеки, установи и институциї, же би им финансийно помогли за тоту намену.

Средства мож уплациц на рахунох Дружтва – 160-18977-84, Банка Интеза, з наглашеньом – помоц за адаптованє просторийох.

ПОВЯЗАНИ ТЕКСТИ