ДЮРДЬОВ – Фестивал жридлового шпиваня „Най ше нє забудзе”, 14. по шоре, у Дюрдьове будзе отримани 21. авґуста.
По вчера, 1. авґуст, участвованє приявели шпивацки ґрупи зоз Суботици, Шиду, Кули, Вербасу, Коцура, Нового Саду, Дюрдьова, та з Винковцох, Петровцох и Миклошевцох з Горватскей.
Домашнї з КУД „Тарас Шевченко” обчекую же буду участвовац и шпивацки ґрупи з Руского Керестура, Нового Орахова и Бикичу, а приявиц ше мож по пияток, 5. авґуста.
У ревиялей часци ше обчекує наступ ансамблу з Польскей и Шпивацкей ґрупи „Дюрдєвак” з Дюрдьова.
Пред фестивалску часцу, хтора почнє на 20 годзин, у дворе опрез будинку КУД „Тарас Шевченко” на 16 годзин будзе отворена вистава „Стари ремесла”, а на 17 годзин у Рускей школи вистава „Дакеди було”.