НОВИ САД – На манифестациї „Ноц виглєдовачох”, хтора 25. септембра отримана у Новим Садзе, нащивителє ше у Тарґовинским центре „БИҐ” дружели з науковцами, упознали з иновациями хтори пременєли швет – транзистором, телескопом, друкарску машину, пеницилином, комютером, а у Клубу „Quarter” мали нагоди уживац у културней и музичней програми.
„Ноц виглєдовачох” исти дзень отримана у ище дзевец европских городох. Того року тота манифестация означела 10 роки отримованя, а централна шветочносц була у Бриселу.
На манифестациї у Новим Садзе присутних привитал покраїнски секретар за науку и технолоґийни розвой Владимир Павлов, дзе наглашел же Покраїнска влада будзе и надалєй потримовац презентацию науки и будуцих науковцох, понеже укладанє до науки то єдине сиґурне укладанє з хторого єст вельо хасну.