РУСКИ КЕРЕСТУР – Понеже дотерашнї предсидатель Конїцкого клубу (КК) Русин з Руского Керестура Иван Медєши задзековал на тоту длужносц, на Скупштини КК, хтора отримана всоботу, 20. фебруара, за предсидателя вибрани Желько Папуґа.
Як поведзене на Скупштини и КК зочени з менєй-вецей подобнима проблемами як и други спортисти орґанизовани у Спортским дружтве Русин, а насампредз з нєдостатком пенєжу за даяки озбильнєйши укладаня до того спорту у валалє, як и з нєришеним статусом Гиподрому Леї.
Попри члнох КК, на Рочней скупштини присуствовали и предсидатель Совиту Месней заєднїци Руски Керестур Владимир Олеяр, представителька Здруженя паприґарох Душица Орос, та др ветеринарскей медицини котри ше стараю и о коньох членох Клубу Михайло Семан и Владимир Хома.
