Жельо Будински побиднїк на турнире у шаху

автор яви/зам
942 Опатрене

РУСКИ КЕРЕСТУР – Вчера у Руским Керестуре успишно закончени шаховски турнир, хтори тирвало од 2. фебруара, виявели орґанизаторе турниру Михайло Венчельовски и Яким Гарди. По швайцарскей системи ше змагали 16 шахисти рижних ґенерацийох и найвецей боди – 7, освоєл Жельо Будински и завжал 1. место.

Друге место освоєл Михайло Венчельовски з 5,5 бодами, кельо мал и трецопласовани Звонко Медєши, з тим же Венчельовски мал векши „бухолц коефициєнт”.

8-Sah-02

Окремну награду за наймладшого учашнїка достал Давид Надь, школяр шестей класи, а попри дипломи, млади шахиста достал и кнїжку шаховских поцагох. Подзекованє за найстаршого учашнїка достал Иван Пап, професор историї у пензиї, котри завжал високе 4. место.

За освоєни перши шейсц места орґанизаторе од спонзорох обезпечели награди, а подаровали их керестурски поднїмателє Синиша Ковачевич, Дарко Надь, та тапетариї „Евро”, „Клуб 10”, „Мебель Хома” и други, а орґанизованє турниру помогли керестурски „Фреш маркет” и „Електромонтажа”.

Орґанизаторе барз задовольни з одозваньом керестурских шахистох и, як гварели, пре вельке интересованє турнири буду орґанизовани и надалєй. Конєчни циль таких змаганьох оживйованя шаховского клубу, хтори у Керестуре уж длукши час загашени.

8-Sah-03

ПОВЯЗАНИ ТЕКСТИ