Женом од 150 000 до 400 000 динари за порушованє бизнису

автор сен
1k Опатрене

НОВИ САД – Город Нови Сад розписал конкурс за додзельованє безповратних средствох женом котри жадаю започац власни бизнис. У зависносци од обласци роботи, трошкох и укладаньох, жени годни достац од 150 000 до 400 000 динари.

Конкуровац можу нєзаняти жени, а кед ше жадаю удружиц – кажда окреме придава вимогу. Кед достанє средства, особа найменєй 12 мешаци муши окончовац дїялносц за хтору є реґистрована, а за нїх будзе орґанизована безплатна обука за руководзенє з фирму.

Город Нови Сад уж штварти рок субвенционує самообезпечованє роботи, а дотераз приватну дїялносц порушала 161 особа, спомедзи котрих 77 жени, гварел член Городскей ради за привреду Ґоран Сечуйски.

Вецей информациї о конкурсу мож достац у Городскей управи за привреду, на адреси Руменацка 110а, лєбо опатриц на линку https://www.novisad.rs/javni-poziv-za-dodelu-subvencije-za-samozaposhljavanje-zhena-na-teritoriji-grada-novog-sada-u-2016-g

ПОВЯЗАНИ ТЕКСТИ