БЕОҐРАД – Понеже Сербия ище нє порихтана прейсц на сучасну методу обезпечованя роботи, забрана анґажованя нових роботнїкох у явним секторе вироятно будзе тирвац по марец 2017. року, оценєл министер финансийох Душан Вуйович.
– Обчекуєме преход на сучасну методу, хтору на основи структурного плану обезпечованя роботи по секторох ришує Министерство державней управи и локалней самоуправи, алє думам же зме нє порихтани же би зме ю запровадзели од 1. януара – гварел Вуйович и додал же стара система будзе функционовац покля нє зажиє нова.
Забрана анґажованя нових роботнїкох у явним секторе уведзена у децембру 2013. року и теди предвидзене же будзе тирвац по конєц 2015. року, но при концу того термину забрана предлужена за ище єден рок, односно по конєц 2016. року.