Завод за културу войводянских Горватох достал свойо просториї

автор сен
788 Опатрене

СУБОТИЦА – Штварток, 19. марца, у Суботици отворени нови просториї Заводу за културу войводянских Горватох (ЗКВГ), хтори вєдно купели Город Заґреб и Влада Републики Горватскей, а Покраїнски секретарият за културу и явне информованє Покраїнскей влади финансовал їх ушоренє.

На шветочним отвераню покраїнски секретар за културу и явне информованє Славиша Ґруїч повинчовал припаднїком горватскей националней меншини на доставаню нових просторийох, а на отвераню бешедовали и директор ЗКВГ Томислав Жиґманов, предсидателька Управного одбору ЗКВГ Любица Вукович Дулич, предсидатель Националного совиту Горватох Славен Бачич, конзул Републики Горватскей у Сербиї Драґан Дюрич и други.

Представителє горватскей националней меншини визначели же отверанє просторийох источашнє и красни приклад и порука же два держави можу сотрудзовац. Як цо ше Горватска стара о положеню Сербох, так ше и Сербия стара о положеню Горватох и з тим ше указує значносц меншинских заєднїцох.

Завод за културу войводянски Горватох сновани 2008. року, просториї за функционованє хасновал як подквартельош, а тераз тота културна установа достала свойо просториї.

4-ZKVH-02

ПОВЯЗАНИ ТЕКСТИ