ПРЕШОВ (СЛОВАЦКА) – Пондзелок, 2. новембра, предсидатель Русинскей оброди (РО) Словацкей инж. Милан Мнягончак задзековал на тоту функцию, як потолковал, пре здравствени причини – преноши портал „русинФОРУМ”. По вибор нового предсидателя на Скупштини РО, на чолє тей найвекшей орґанизациї Русинох у Словацкей будзе подпредсидатель Оброди инж. Мартин Караш.
Милан Мнягончак припада ґу членом котри сновали РО, як поднїмтель велї роки потримовал рижни русински акциї и пресу, а єден є з ношительох идеї же би ше у Свиднїку основало Русински фестивал, хторому у перших двох рокох отримованя бул и главни спонзор.
За предсидателя РО є вибрани 17. мая 2014. року, и на тей длужносци заменєл дотедишнього предсидателя Владимира Противняка.