БЕОҐРАД – Гражданє Сербиї у дияспори ше по 2. април можу приявиц за гласанє на наиходзацих виберанкох у Сербиї. Пре здобуванє права за уписованє до виберацкого списку и гласанє на парламентарних виберанкох, приявиц ше треба у дипломатично-конзуларним представнїцтве Сербиї у жеми у хторей ше находза, гварел за Радио Беоґрад ґенерални секретар Министерства вонкашнїх дїлох и заменїк секретара Републичней виберанковей комисиї Велько Одалович.
Одалович гварел же гласанє будзе орґанизоване у коло 20 жемох на 35 виберацких местох. Як потолковал, точне число тих местох завиши од числа приявених осбох за гласанє.
Одалович додал же од ступаня на моц Закона о єдинственим виберацким списку тота процедура тераз иншака, бо вимага особне присуство и пополньованє формуларох за уписованє гласача до виберанкового списку.