За оживйованє привреди Шиду

автор ртв/сен
842 Опатрене

ШИД – Скупштина општини Шид на своєй остатнєй схадзки принєсла одлуку о виробку Стратеґийного плану розвою, же би ше у наиходзацих рокох врацело вигодни привредни стан Шидзе, хтори дакеди бул познати по числених фабрикох, пише сайт РТВ.

Як визначели чолни людзе Општини, приоритет будзе законченє вибудови индустрийней зони, прето же є барз значна за привредни розвой Шиду и општини. Здобуванє условийох за отверанє роботних местох будзе значиц и обезпечованє роботи за велїх нєзанятих.

Окрем анализи стану и оцени капацитетох з якима Општина розполага, перши крочай у процесу оживйованя будзе оцена розвою. Лоґистичну потримовку у виробку Стратеґийного плану да Канцелария за локални економски розвой.

ПОВЯЗАНИ ТЕКСТИ