НОВИ САД – Покраїнска виберанкова комисия штварток, 24. марца, преглашела и шесту виберанкову лїстину за виберанки посланїкох до Скупштини Войводини 24. априла. Як шеста преглашена лїстина „Др Воїслав Шешель-Сербска радикална странка”, на хторей 120 кандидати.
Од розписованя виберанкох за покраїнски парламент 22. марца, як перша преглашена лїстина Сербскей напредней странки и єй коалицийних партнерох „Александар Вучич-Сербия победзує”, а як друга преглашена коалицийна лїстина „За Войводину роботи и зананя-ДС (Демократска странка), ДСГВ (Демократски союз Горватох у Войводини), Нова, ЗЕП-Желєни-Др Боян Пайтич”.
Як треца преглашена коалицийна лїстина „Ивица Дачич-Социялистична партия Сербиї (СПС), Єдинствена Сербия-Драґан Маркович Палма (ЄС), Патриотски рух Сербиї (ПРС)”, як штварта преглашена лїстина „Ненад Чанак-Лиґа социялдемократох Войводини-Дзвигнї главу!”, а як пията лїстина „Союз войводянских Мадярох-Иштван Пастор”.
На шицких спомнутих лїстинох по 120 кандидати за покраїнских посланїкох.