СЕРБИЯ – Вчера нови Закон о учебнїкох поцагнути зоз скупштинскей процедури, цо за даєдни дзеци годно значиц же нє буду мац учебнїки. Квалитет, доступносц, цена и транспарентносц процесу одоброваня учебнїкох на язикох националних меншинох то найзначнєйши проблеми у їх обезпечованю дзецом.
Совити националних меншинох указовали на проблем же хибя нови наслови хтори уж одобрени и хасновало ше их у настави, алє векше число нє друковане прето же нє було пенєжу.
У Заводзе за учебнїки твердза же єст достаточно учебнїки на язикох националних меншинох. Медзитим, прецагую и приповедку же заш лєм єст два, три наслови на даєдних язикох хтори у одредзеним периодзе школяром нє доступни, медзитим, слово о роботних кнїжкох хтори нєважни за процес образованя, преноши РТВ.
Процив усваяня Закону Здруженє видавательох учебнїкох Сербиї, чия представителька виявела же кед ше го усвої, знїщи ше видаванє учебнїкох на язикох националних меншинох.
У Покраїнским секретарияту за образованє гваря же учебнїки на язикох националних меншинох муша буц истого квалитету як и гевти на сербским, а ту ше наиходзи на проблеми финансованя, нєдостатку фаховцох котри би мали поробиц учебнїк, лєбо преложиц зоз сербского язика.